మనసులో మాటలు

కలల ప్రపంచం - నిజ జీవితం

2010-02-23T22:08:00.000-08:00

కలల ప్రపంచం లో బ్రతుకుతున్న ఒక అమ్మాయి
తన చుట్టూ ఉన్న ప్రపంచాన్ని అందంగా కట్టుకుంది
ఆ ప్రపంచంలో తను ఒక యువరాణి గా చిత్రించుకుంది
తనకి ఏ కష్టాలు ఉండవు, అన్నీ సుఖాలే ఉంటాయి అని అనుకుంది,
తన జీవితాన్ని ఒక నందన వనం లా, అందమైన బృందావనం లా ఊహించుకుంది,
కాని ఒక రోజు "నిజం" అనే భూతం ఎదురుపడింది, తను ఊహించుకునేవి అన్నీ
కలలే అని చెప్పింది, కలలు ఎప్పటికి నిజం కావు అని వాదించింది.
కాని ఆ అమ్మాయి ఆ విషయాన్ని ఒప్పుకోలేదు, "నిజం భూతం" కి కోపం వచ్చింది,
ఆ అమ్మాయి కట్టుకున్న కలల ప్రపంచాన్ని తన బలమైన కాళ్ళతో జాలి లేకుండా కూల్చేసింది
ఆ అమ్మాయిని ఒంటరిగా ఈ పాడు లోకంలో వదిలేసింది
ఇప్పుడు ఆ అమ్మాయి తను ఒంటరిని అనే బాద తన్నుకోస్తున్నా
గుండెల్ని పిండేస్తున్నా, ఒంటరిగానే ప్రయాణిస్తుంది ఏ గమ్యం తెలియని చోటకి

ఒంటరినైపోయాను

2010-02-05T11:20:00.000-08:00

ఒంటరి గానే ఈ లోకంలో అడుగుపెట్టాను
ఒంటరి గానే ఈ లోకం నుంచి వీడ్కోలు తీసుకుంటాను
మరి ఒంటరిగా ఎందుకు బ్రతకలేకపోతున్నాను?
నా వాళ్ళు నన్ను ప్రేమించాలి, అర్ధం చేసుకోవాలి అనే తపన,
నా వాళ్ళను సుఖపెట్టాలి అని ప్రతి నిముషం ఆరాటం,
నన్ను వాళ్ళు ఎప్పుడు ఒంటరి దాని గా చేయద్దు అనే తాపత్రయం
ఇంత తపన పడ్డా కూడా చివరికి ఒంటరి దాన్నే అయ్యాను
ఒంటరి తనం లో ఆనందం పొందితే వేదాంతి అంటారు,
ఒంటరి తనం లో బాద పడితే మనిషి అంటారు
ఒంటరి గానే పుట్టి ఒంటరి గానే చస్తాను అనే జీవిత సత్యం తెలిసినా
ఇంకా ఒంటరి తనానికి నేను భయపడుతున్నాను.
Finding happiness when alone is "Solitude", getting depressed when alone is "Loneliness"

నా వేసవి జ్ఞాపకాలు...

2009-09-18T18:37:00.000-07:00

ఉమాశంకర్ గారి "Anantham" బ్లాగ్ చదివిన తర్వాత నాకు నా చిన్నప్పటి వేసవి సెలవలు గుర్తుకొచ్చాయి. వేసవి జ్ఞాపకాలు అనటంకంటే "నా చిన్న నాటి మధుర స్మృతులు" అనటం చాల కరెక్ట్ అనుకుంటా.
మా అమ్మమ్మ మా అమ్మ చిన్నతనం లోనే చనిపోవటం వల్ల నాకు మా తమ్ముడికి అమ్మమ్మ గారిల్లు ఉన్నా లేనట్టే. మా అమ్మని సొంత కూతిరి లా పెంచింది మా పెద్దమ్మ (మా అమ్మకి పెద్దక్క) పెద్దనాన్న. ప్రతి సంవత్సరం మా వేసవి సెలవులన్ని మా పెద్దమ్మ వాళ్లా ఇంట్లోనే గడిచేవి.
మా పెద్దమ్మ వాళ్ళది ఖమ్మం జిల్లాలో గోపవరం అనే చిన్న పల్లెటూరు. మా సెలవుల సందడి మా చివరి పరీక్ష సోషల్ స్టడీస్ తోనే మొదలయ్యేది. మా పెద్ద నాన్న ఆ రోజు తెల్లవారుఝామున వచ్చేసేవారు మమ్మల్నిద్దరిని ఊరికి తీసుకెళ్ళడానికి. పరీక్ష మధ్యాహ్నం కల్లా అయిపోవడం తరువాయి, ఇంటికి రావడం, భోజనం చెయ్యటం, రెండింటికల్లా భయల్దేరే వాళ్ళం బస్సులో. అస్సలు ఈ బస్సు ప్రయాణం అంటే మాకు ఎంత సరదానో చెప్పలేను. బస్సు ఆగిన ప్రతి చోట మా పెద్దనాన్న మాకు అడిగిందల్లా కాదనకుండా తినుబండారాలు కొనిచ్చేవాడు. రాత్రి పదింటికల్లా ఖమ్మం లో దిగేవాళ్ళం. మా ఊరికి వెళ్ళే చివరి బస్సు అప్పటికల్ల వెళ్ళిపోయేది. మళ్ళి తెల్లవారు ఝామున నాలుగింటి వరకు మా ఊరికి బస్సు ఉండదు. అప్పుడు మా పెద్దనాన్న మా ఇద్దరికీ అక్కడే మెస్సులో భోజనాలు పెట్టించి, పక్కనే ఉన్న సినిమా హాల్ కి తీసుకెళ్ళేవాడు. నేను చివరి సారి వేసవి సెలవులకి (దాదాపుగా పదేళ్ళు అయింది) వెళ్ళినప్పుడు అలా చూసిన సినిమా "సూత్రధారులు" నాకు ఇప్పటికి ఆ సినిమా చూసినా, అందులో పాటలు విన్నా, ఆ వేసవి జ్ఞాపకాలే కళ్ళ ముందు మేదుల్తాయి. అలా సినిమా చూస్తూనే మా తమ్ముడు, నేను మా పెద్దనాన్న చెరో భుజం మీద నిద్ర పోయేవాళ్ళం. సినిమా అయ్యాక పెద్ద నాన్న మమ్మల్ని నిద్రలేపి బస్టాపు కి తీస్కొచ్చి, బాదాం పాలు కొనిచ్చేవాడు. అవి తాగాలంటే మాకు భలే సరదాగా ఉండేది. పాలు తాగి కాసేపు అలా బస్టాపు లోని బెంచిపై కూర్చొని అలా అర్ధరాత్రి కూడా కోలాహలంగా తిరిగే జనాల్ని, తలెత్తి చూస్తే తప్ప కనపడని టెలివిజన్ వైపు మార్చి మార్చి చూస్తూ మళ్ళి నిద్రపోయే వాళ్ళం. తెల్లవారు ఝామున నాలుగింటికి గోపవరం బయల్దేరేది మొదటి బస్సు. ఇక పెద్దనాన్న ముందు మా సామాన్లు బస్సులో పెట్టి వచ్చి , నన్ను నిద్ర లేపి, మా తమ్ముడిని భుజానవేస్కొని బస్సు ఎక్కటం నాకింకా కళ్ళకి కట్టినట్టుగా గుర్తుంది. ఇక ఆ బస్సులో ఉన్న కోలాహలం చూస్తే మాకు నిద్ర మత్తు వదిలిపోయేది. పాల కేంద్రానికి పాలు పోయటం కోసం పెద్ద పెద్ద క్యాన్లతో ఎక్కే వాళ్లు, పేపరు కట్టలు బస్సు కదిలే ముందే డ్రైవర్ కి అందాచేయాలని ఆత్రుత పడే పేపర్ అబ్బాయిలు, ఆ పేపర్ కట్టలోంచే మొత్తం వార్తలు చదివేయ్యాలి అనే తాపత్రయం తో డ్రైవర్ పక్కనే నక్కి కూర్చునేవాళ్లు, కూరగాయ గంపలు, పళ్ళ గంపల తో, తల నిండా పూలు పెట్టుకొని ఎక్కే ఆడవాళ్ళు ....అబ్బ అసలు వాళ్ళందరిని చూస్తుంటే మాకు చాల సరదాగా ఉండేది. చెప్పడం మర్చిపోయానండోయ్... మా పెద్ద నాన్న ఆ ఊర్లో చెప్పుకోదగ్గా మోతుబరి రైతుల్లో ఒకరవటం, రాజకీయాల్లో తిరగటం వల్ల ఆయన్ని అందరు గుర్తుపట్టేవారు. ఇక మా ఇద్దరి పరిచయం అక్కడే మొదలయ్యేది బస్సులో. (మా అమ్మ పేరు సరస్వతి. అమ్మ పెద్దమ్మ వాళ్ల ఊళ్ళోనే పెరగటం వల్ల అందరికి సరసమ్మ గారిగా తెలుసు). అలా మేము "సరసమ్మ గారి పిల్లలు" గా అందరికి పరిచయడం చేయ బడే వాళ్ళం. అలా మా పరిచయం జరగగానే అక్కడ మేము ఇద్దరమే "ఫోకస్ పాయింట్" అయ్యేవాళ్ళం. అందరు అమ్మాయి, అబ్బాయి ఎంత బాగున్నారు ముత్య్యాల్లాగా అనగానే మేము "మా అంత గొప్ప వాళ్లు లేరు" అనుకునేవాళ్ళం.....అలా సరదాగా మా బస్సు ప్రయాణం జరిగేది......
తర్వాత....మా సెలవులు ఎలా గడిచాయో నా తర్వాతి టపాలో చెపుతాను
అంత వరకు...సెలవు.

క్షమించవా ప్రియతమా..........

2009-08-29T21:26:00.000-07:00

ప్రియతమా,

నన్ను క్షమించుమా. ఆవేశం లో అన్న మాట ఎన్నో అనర్దాలకి దారి తీస్తుందని ఆలస్యంగా తెలుసుకున్నాను. మన మధ్య చిలిపి తగువులే కాని పెద్ద పోట్లాటలు ఉండ కూడదు. మనం ఒకరికి ఒకరు అని ఆ పైవాడే నిర్ణయించేసాడు.అది కాదని మనం ఒకరి తోడు మరొకరికి లేకుండా బ్రతకగలమా????? ఇప్పటి వరకు నేను నీతో ఎంతో అందమైన క్షణాలని అనుభవించాను. ఇక ముందు కూడా నా జీవితంలో నీతో గడిపే ప్రతి నిముషం ఎంతో మధురంగా ఉంటుందని నమ్ముతున్నాను. ఎప్పటికి చెరగని నీ చిరునవ్వుతో మొదలయ్యే మన ఉదయాలు, నిన్ను చూడబోయే సాయంత్రాల గురించి మధ్యాహ్నం నుంచే ఎదురుచూపులు, రాత్రి వేళ నీ వెచ్చని కౌగిలిలొ గువ్వపిల్లలా ఒదిగిపోవటం .......... ఇవన్ని మన రాబోయే అందమైన జీవితానికి కొన్ని ఉదాహారణలు మాత్రమె. త్వరలో మనం ఏకం కాబోతున్నపుడు, మన మధ్య దాంపత్యం అనే బంధం ఏర్పడబోతున్నప్పుడు, మన మధ్య ఉండవలసినవి ప్రణయ పోరాటాలు, అలకల పలక పైరాసే చిలిపి జ్ఞ్యాపకాలేకాని, గుండెల్ని గాయపర్చే పెద్ద పోట్లాటలు కాకూడదు.

నీతో ఎంతో అందమైన, ఆనందమైన జీవితాన్ని ప్రతి నిముషం ఆస్వాదించాలని కోరుకుంటూ, పెద్ద మనసుతో నన్నుక్షమిస్తావని ఆసిస్తూ
నీ ప్రేయసి

ఒక చిన్న మాట....

2009-07-11T07:06:00.000-07:00

1. ప్రేమ.. డబ్బు.. జ్ఞానం.. చదువు.. దేనికోసమైనా తపనపడుతూ పిచ్చివాడై పోయేవాడికి అది తప్పకుండా దొరుకుతుంది. అందుకోసం మనం కనబరచాల్సిందల్లా ఉడుంపట్టులాంటి పట్టుదల, సంకల్పబలం, శ్రమించేతత్వం.

2. గొప్ప అవకాశాలే వస్తే ఏమీ చేతకానివారు కూడా ఏదో గొప్ప సాధించవచ్చు. ఏ అవకాశాలూ లేనప్పుడు కూడా ఏదైనా సాధించినవాడే గొప్పవాడు.

3. ఆత్మవిశ్వాసం లేకపోవడం అనేది క్షమించరాని నేరం. మన చరిత్రలో ఏదైనా సాధించిన గొప్ప వ్యక్తుల జీవితాలను నిశితంగా పరిశీలించండి. వారిని నడిపించింది ఆత్మవిశ్వాసమేనని తెలుస్తుంది. భగవంతుడి పట్ల నమ్మకం లేనివాడు నాస్తికుడనేది ఒకప్పటి మాట. ఆత్మవిశ్వాసం లేనివాడు నాస్తికుడన్నది ఆధునిక మతం.

4. ఎవరికో బానిసలా కాకుండా నువ్వే యజమానిలా పనిచెయ్యి. నిర్విరామంగా పనిచెయ్యి. బాధ్యత తీసుకో. అది నిజంగా నిన్ను యజమానిని చేస్తుంది.

5. పనికీ విశ్రాంతికీ మధ్య సరైన సమతౌల్యం ఉండాలి.

6. పిరికితనానికి మించిన మహాపాపం ఇంకోటి లేదు. ఒక దెబ్బతింటే రెట్టింపు ఆవేశంతో పది దెబ్బలు కొట్టాలి. అప్పుడే మనిషివని అనిపించుకొంటావు. పోరాడుతూ చనిపోయినా పర్లేదు. కానీ పోరాటం అవసరం.

7. అనంత శక్తి, అపారమైన ఉత్సాహం, అమేయ సాహసం, అఖండ సహనం.. ఇవే మనకు కావాలి. వీటితోనే ఘనతను సొంతం చేసుకోగలం. వెనక్కి చూడకండి. ముందంజ వేయండి.

8. మనలో ఉన్న పెద్ద లోపమేమిటంటే ముగ్గురం కలిసి పొందికగా ఐదునిమిషాలు పని చేయలేం. ప్రతివ్యక్తీ పెత్తనం కోసం పాకులాడుతుంటాడు. అందువల్లే మొత్తం పని, వ్యవస్ధ చెడిపోతున్నాయి.

9. మనస్సు, శరీరం రెండూ దృఢంగా ఉండాలి. ఉక్కు నరాలూ ఇనుపకండలూ కావాలి మనకి. మేధస్సుకు చదువులాగా శరీరానికి వ్యాయామం అవసరం. నిజానికి ఓ గంటసేపు పూజ చేసే కన్నా పుట్ బాల్ ఆడటం మంచిది. బలమే జీవితం... బలహీనతే మరణమని గుర్తించండి.

10. వెళ్లండి. ఎక్కడెక్కడ క్షామం, ఉత్పాతాలు చెలరేగుతున్నాయో అలాంటి ప్రతి ప్రదేశానికీ వెళ్లండి. మీ సేవలతో బాధితులకు ఉపశమనాన్నివ్వండి. వ్యధను తుడిచే ప్రయత్నం చెయ్యండి. ఆ ప్రయత్నంలో మహా అయితే మనం చనిపోవచ్చు. కానీ ఆ మరణం కూడా మహోత్కృష్టమైనది. కూడగట్టాల్సింది

By: Swami Vivekananda

ప్రేమ - అపురూపమైన వరం

2009-06-04T19:33:00.000-07:00

ప్రేమించడం, ప్రేమించబడడం మనిషికి దేవుడిచ్చిన అపురూపమైన వరాలు,
ప్రతి మనిషి ఎవరో ఒకరి చేత ప్రేమించబడతాడు, మరెవరినో ప్రేమిస్తాడు
కాని తను ప్రాణం కంటే అమితంగా ప్రేమించే వ్యక్తి, తనని ప్రాణానికి ప్రాణంగా ప్రేమించే వ్యక్తి ఒకరైతే?
ఇక ఆ మనసుకి కలిగే ఆనందానికి అవధులు ఉంటాయా???
అలాంటి అవధులు లేని ప్రేమలోకంలో విహరిస్తున్నాను నేను,
ఇప్పుడు చెప్పండి, నా కంటే అదృష్టవంతులు ఈ లోకం లో ఇంకెవరైనా ఉంటారా?

ఆడది

2009-05-26T18:26:00.000-07:00

యుక్త వయసు వచ్చేవరకు అమ్మ అడుగుజాడల్లో నడుస్తుంది,
పెళ్లి అయ్యే వరకు నాన్న చెప్పుచేతల్లో పెరుగుతుంది,
పెళ్లి అయ్యాక భర్త మనసు అర్ధం చేసుకొని నడుచుకుంటుంది,
పిల్లలు పెద్దయ్యాక, వాళ్ల జీవితాలకి, అవసరాలకి అనుగుణంగా తన జీవితాన్ని మలుచుకుంటుంది,
జీవితం లోని ప్రతి మలుపుని ఇంకొకళ్ళ కోసమో, ఇంకొకళ్ళ పైన ఆధారపడో మార్చుకుంటుంది,
మరి తన మనసు మాట ఎప్పుడు వింటుంది, తనక్కావల్సిన విధంగా ఎప్పుడు బ్రతుకుతుంది?
ఆడ దాని జీవితం ఇంతేనా, ఇతరుల జీవితాల్లో వెలుగు నింపడం కోసం తను ఆవిరై పోవడమేనా?

నా కొత్త జీవితం

2009-05-20T14:22:00.000-07:00

ఎన్నో రోజుల తర్వాత నాకు మళ్ళీ జీవితం అంతా కొత్తగా అనిపిస్తుంది, సూర్యోదయం చూడాలనిపిస్తుంది. సూర్యుని నులివెచ్చని కిరణాలు మనసుని ఆహ్లాద పరుస్తున్నాయి. పక్షుల కిలకిలరావాలు చెవులకి ఇంపుగా వినిపిస్తున్నాయి. ఇప్పుడు ఎవరిని చూసినా చిరునవ్వుతో మాట్లాడాలనిపిస్తుంది. మనసుకు ఇష్టమైన పనులు చెయ్యాలనిపిస్తుంది. అందంగా సింగారించుకోవాలి అనిపిస్తుంది. నాకిష్టమైన వాళ్ళతో పదే పదే మాట్లాడాలి అనిపిస్తుంది. సుగంధ పుష్పాల సొగసుతనం చూడాలనిపిస్తుంది. బుజ్జి పాపాయిల బోసి నవ్వులు వినాలనిపిస్తుంది. అంతా "కొత్త బంగారు లోకం" లాగ ఉంది. ఇన్ని రోజులుగా నిస్సారంగా ఉన్నా నా జీవితంలో వెయ్యి వసంతాలు ఒక్క సారిగా వచ్చినట్టుగా అనిపిస్తుంది. ఈ లోకం, నేను ఇంతగా ఎందుకు మారిపోయామ అని ఆలోచిస్తే, అప్పుడు తెలిసింది, నేను ప్రేమలో పడ్డానని. ఇంత మధురానుభూతుల్ని, అమితమైన ప్రేమను నాకు అందిస్తున్న నా ప్రియ నేస్తమా, నీకే నా జీవితం అర్పితం, అంకితం.

ఇట్లు,
నీ ప్రేమ లోని అమృతాన్ని ఆస్వాదిస్తున్న నీ ప్రేయసి

తెలియని నిజం

2009-04-18T09:36:00.000-07:00

తామరాకు పై నీటిబిందువుకేం తెలుసు తాను ఎటువైపు వాలిపోతానో అని,
కొండకోనల పరుగులిడే వాగులకేం తెలుసు వెళుతున్నది ఉప్పు నీటి సంద్రంలోకని,
సప్తస్వరాలను దాచుకున్న కోయిలకేం తెలుసు తన రంగు నలుపని,
పరిమళాన్ని వెదజల్లే పూలకేం తెలుసు తన జీవిత కాలం ఒక్క రోజేనని,
ఎగసిపడే కేరటాలకేం తెలుసు కడలిని దాటి రాలేమని,
సముద్రగర్భంలో ఆల్చిప్పకేం తెలుసు తనలో స్వాతిముత్యం దాగుందని,
పంకజంలో పుట్టిన పద్మానికేం తెలుసు తనపై దేవతలు ఆశీనులవుతారని,
నా గుండెల నిండుగా ఉన్నా నీ రూపనికేం తెలుసు నీవు లేకపోతే నా ఊపిరి ఆగిపోతుందని......

(By Anonymous)

ప్రేమ

2009-04-18T09:29:00.000-07:00

వెయ్యి ఉలి దెబ్బల అనంతరం సుందర శిల్పం పుడుతుంది,
ఎన్నో ఎదురుచూపుల అనంతరం మగువ మనసులో ప్రేమ పుడుతుంది
ప్రియుడి తలంపుతో ప్రియురాలి పెదవులపై చిరుదరహాసం పుడుతుంది, సిగ్గుల మొగ్గవుతుంది
కొన్ని ఓటములు కలిస్తేనే ఒక గెలుపుకు స్పూర్తవుతుంది, ఆ స్ఫూర్తి తోనే విజయం వరిస్తుంది
ఒక సారి ప్రేమ కాదన్న బాధ కంటే మళ్లీ ప్రేమ దక్కించుకుంటే, ఆ ప్రేమ అమృతం కంటే మధురం అవుతుంది.

స్నేహితుడు

2009-04-18T09:19:00.000-07:00

స్నేహానికి అర్ధం చెప్పిన ప్రాణ స్నేహితుడివి నీవు,
నేను ఆనందంగా ఉండాలని ప్రతిక్షణం పరితపించిన స్నేహానివి నువ్వు,
నా జీవితంలో నీతో స్నేహం ఒక భాగమైన తరుణం లో,
నేను నీ స్నేహం కాదు, నీ ప్రేమని ఆకాంక్షిస్తున్నాని నీవు అన్న మరుక్షణం,
నేను అధఃపాతాళానికి వెళ్ళాలన్న భావం, నువ్వు నాతో ఇక స్నేహం చేయవన్న భయం నా మనసుని కలచి వేసాయి.
ఓ స్నేహమా! చివరిగా ఒక్క మాట, నువ్వు నా స్నేహం కావలనుకునా, లేకున్నా,
నా ప్రాణానికి ప్రాణమైన ప్రాణ స్నేహితుడ్ని నేను వదులుకోను, నీ స్నేహాన్ని ఎప్పటికి వదులు కోలేను.....

ఆశ - నిరాశ

2009-04-18T09:11:00.000-07:00

నీ నీడనైనా కాకపోతిని, నిను వెన్నంటే ఉండవచ్చునని,
గాలినైనా కాకపోతిని, నీ శ్వాసగా మారవచ్చని,
రాయినైనా కాకపోతిని, నీ పాద స్పర్శకు నోచుకోవచ్చని,
నీ మనసుకైనా నచ్చకపోతిని, నీ ప్రేయసిగా మారవచ్చని,
మనసుకింపుగైనా లేకపోతిని, నీ ప్రాణ స్నేహం కావడానికి,

ఓ ప్రియతమా!
ప్రియుడివి కాకపోయినా స్నేహితుడిగా మిగిలిపోతావని ఆశిస్తూ.......

నీవు లేక

2009-04-18T08:46:00.000-07:00

నీవు లేక జీవితం లేదనుకున్నా,
నీ శ్వాసని గుర్తించలేని మనసెందుకు అనుకున్నా,
నీవు తాకలేని నా రూపమెందుకు అనుకున్నా,
నీ ప్రేమ పొందలేని బ్రతుకెందుకు అనుకున్నా
కాని, కనీసం నీ స్నేహం దొరికిందన్న సంతోషం,
నీ శ్వాసలో శ్వాసనై, మనసులో మనసునై, అడుగులో అడుగునై బ్రతకాలన్న ఆరాటం,
నీ మీద దినదిన ప్రవర్ధమవుతున్నఅభిమానం,
ఇంత జరుగుతున్నా, నువ్వు నా వాడివి అవుతావన్న నమ్మకం,
వెరసి, నీవు లేక నేను లేనని చెప్పకనే చెపుతున్న నా మౌనం.

ఉంగరం

2009-04-18T08:39:00.000-07:00

పసితనంలో చిట్టిపొట్టి వేళ్ళకి పెద్దలు తొడిగే అపురూప 'అలంకారం'
యుక్త వయసులో పరిణయానికి నాందిగా 'నాకు నువ్వు నీకు నేను' అనుకునే 'నిశ్చితార్థం'
కళ్యాణ మహోత్సవంలో భార్యాభర్తల అనురాగాన్ని సూచించే వివాహ 'సంప్రదాయం'
అంతేనా....... ఒకనాటి గాంధర్వ వివాహాలకు సులభ 'సాధనం'
అన్నింటిని మించి పరువాల ప్రాయంలో చిగురించిన ప్రేమకు 'బహుమానం'
ఎన్నటికి మరువలేని ఓ 'మధుర జ్ఞాపకం' అదే సోయగాల 'ఉంగరం'

I Promise.......

2009-03-19T20:23:00.000-07:00

I Promise I will be there when you wake up from sleep

I Promise I will hold your hand when we walk on the beach on a lovely evening

I Promise I will watch every Sun Rise and Sun Set along with you

I Promise I will conspire with you in your naughty pranks

I Promise I will be the first person to lend my shoulder when you want to cry

I Promise I will be the first one to make you laugh after you cry

I Promise I will be there for you every time you need me

I Promise I will love you more and more with each passing second

I Promise I will support you in every difficulty you face in life

I Promise I will Love you forever and ever.

Things you want to do before you die

2009-02-04T19:57:00.000-08:00

I got this list from some place (I dont remember from where, I had it saved on my laptop for a long time now). I like to do atleast 50% of what this list consists of. Let's see how it goes.

If you have done anything or wanna do some thing like this, please add your comments... I'll include them in this list. Happy reading and happy thinking........... :-)

1. Swam with dolphins
2. Climbed a mountain
3. Taken a Ferrari for a test drive
4. Been inside the Great Pyramid
5. Taken a candlelit bath with someone
6. Said “I love you” and meant it
7. Hugged a tree
8. Bungee jumped
9. Visited Paris
10. Watched a lightning storm at sea
11. Stayed up all night long and saw the sun rise
12. Gone to a huge sports game
13. Walked the stairs to the top of the leaning Tower of Pisa
14. Grown and eaten your own vegetables
15. Touched an iceberg
16. Slept under the stars
17. Changed a baby’s diaper
18. Taken a trip in a hot air balloon
19. Watched a meteor shower
20. Gotten drunk on champagne
21. Given to charity
22. Looked up at the night sky through a telescope
23. Had an uncontrollable giggling fit at the worst possible moment
24. Had a food fight
25. Bet on a winning horse
26. Asked out a stranger
27. Had a snowball fight
28. Screamed as loudly as you possibly can
29. Held a lamb
30. Seen a total eclipse
31. Ridden a roller coaster
32. Danced like a fool and didn’t care who was looking
33. Adopted an accent for an entire day
34. Actually felt happy about your life, even for just a moment
35. Had two hard drives for your computer
36. Taken care of someone who was drunk
37. Had amazing friends
38. Danced with a stranger in a foreign country
39. Watched whales
40. Taken a road-trip
41. Gone rock climbing
42. Taken a midnight walk on the beach
43. Gone sky diving
44. Been heartbroken longer than you were actually in love
45. In a restaurant, sat at a stranger’s table and had a meal with them
47. Milked a cow
48. Lounged around in bed all day
49. Gone scuba diving
50. Kissed in the rain
51. Played in the mud
52. Played in the rain
53. Gone to a drive-in theatre
54. Visited the Great Wall of China
55. Started a business
56. Fallen in love and not had your heart broken
57. Gotten married
58. Been in a movie
59. Crashed a party
60. Gone without food for 5 days
61. Won first prize in a costume contest
62. Gotten a tattoo
63. Been on a television news program as an “expert”
64. Gotten flowers for no reason
65. Performed on stage
66. Been to Las Vegas
67. Recorded music
68. Kissed on the first date
69. Bought a house
70. Been on a cruise ship
71. Spoken more than one language fluently
72. Raised children
73. Passed out cold
74. Taken an exotic bicycle tour in a foreign country
75. Picked up and moved to another city to just start over
76. Sang loudly in the car, and didn’t stop when you knew someone was looking with the windows open
77. Wrote articles for a large publication
78. Lost over 50 pounds
79. Held someone while they were having a flashback
80. Broken someone’s heart
81. Helped an animal give birth
82. Won money on a TV game show
83. Broken a bone
84. Gone on an African photo safari
85. Had a facial part pierced other than your ears
86. Fired a rifle, shotgun, or pistol
87. Ridden a horse
88. Hiked to the bottom of the Grand Canyon
89. Slept for 30 hours in a 48 hour period
90. Visited all 7 continents
91. Had your picture in the newspaper
92. Changed someone’s mind about something you care deeply about
93. Gone back to school
94. Eaten fried green tomatoes
95. Selected one “important” author who you missed in school, and read
96. Attended school reunions
97. Communicated with someone without sharing a common spoken language
98. Written your own computer language
99. Thought to yourself that you’re living your dream
100. Built your own PC from parts
101. Sold your own artwork to someone who didn’t know you
102. Had a booth at a street fair
103. Dyed your hair
104. Been a DJ
105. Saved someone’s life
106. Visit Tajamahal (User Submitted)

107. "bhagwanthuni premlo munigi thelatam " feeling ecsatsy in god's love Try meditation hey it works trust me......... (User Submitted)

సగటు మనిషి

2008-12-21T08:23:00.000-08:00

చిన్నతనం లో పెద్దగా అవ్వాలని తొందర , స్కూల్ కి వెళ్లాలని తొందర ,
స్కూల్ కి వెళ్ళాక పెద్ద క్లాసులకి వెళ్లాలని తొందర, పెద్ద క్లాసు లకి వెళ్ళాక కాలేజీ కి వెళ్లాలని తొందర
కాలేజీ లో చేరాక ఉద్యోగంలో చేరాలని తొందర, ఉద్యోగంలో చేరాక పెళ్లి కి తొందర,
పెళ్లి అయ్యాక పిల్లల కోసం తొందర, పిల్లలు పుట్టాక వాళ్ళు పెద్ద అవ్వాలని తొందర,
పిల్లలు పెద్ద అయ్యాక, వాళ్లు సరిగ్గా చూడక పోతే చచ్చిపోవాలనే తొందర,
కాని చివరకి చనిపోయే ముందు తిరిగి చూసుకుంటే, జీవితంలో అన్నీటికి తొందర పడటం తప్ప చేసిందేమీ
లేదు అని తెలిసింది, కాని అప్పటికే జీవితం అయిపొయింది.

సగటు మనిషి రేపు ఎలా ఉండాలో ఆలోచిస్తూ ఇవాళ ఎలా బ్రతకాలో మరచిపోతున్నాడు.
"స్టాప్ థింకింగ్ అండ్ స్టార్ట్ లివింగ్" అని ఎక్కడో చదివాను నేను, అది అందరు పాటిస్తే ఎంత బాగుంటుందో కదా?
జీవితాన్ని జీవితంలా జీవించండి, దాని లోని మధుర్యాని ఆస్వాదించండి.
అంతే కాని అందరికంటే బాగా ఉండాలనే తపనతో జీవితాన్నే ఒక పోటి పరీక్షగ మార్చకండి

ప్రియురాలికి ప్రేమలేఖ

2008-11-20T08:32:00.000-08:00

నా ప్రాణానికి ప్రాణమైన నీకు,

నీ జీవిత సర్వస్వాన్నైననేను వ్రాయునది, నా అందమైన జీవితాన్ని మరెన్నో రెట్లు అందంగా మార్చావు నీవు.
అసలు జీవితంలో ఇంత ఆనందం నిజంగా ఉంటుందా అనిపించేంత ఆనందాన్నిచ్చావు నాకు.
జీవితం పోరాటం కాదు, ఒక అందమైన స్వప్నం, దాన్ని అపురూపంగా చూసుకోవాలని నేర్పావు.
నీ ప్రేమలో అన్ని మరచి స్వర్గం అంచుల దాక తీసుకెళ్ళావు.
ఇంత ఆనందాన్ని అనుభవిస్తున్న నేను "ఇది కల కాదు కదా" అని భయపడినప్పుడు, నీ చేతి స్పర్శతో ఇది నిజమేననే భావన కలిగించావు.
జీవితపు చరమాంకం వరకు తోడుంటానని బాసలు చేసావు.
ఎన్నో ఊసులు చెప్పావు.
జీవితంలో ఏదో సాధించాలని తపన పడుతూన్నప్పుడు, జీవితాన్నే సాధించు, జీవిత మాధుర్యాన్ని ఆస్వాధించమన్నావు.
శాస్త్రాల్లో చెప్పినట్టు, కార్యేషు దాసీ, భోజ్యేషు మాతా, కరణేషు మంత్రి లా నా తోడు నిలిచావు.
జీవితభాగస్వామి అంటే కేవలం సుఖాల్లోనే కాదు, కష్టాలలోను భాగం పంచుకుంటుందని నిరూపించావు.
జీవితంలో పెద్ద కోరికలు తీరినప్పుడు కంటే ప్రతి రోజు కలిగే చిన్న చిన్న కోరికలు తీర్చుకోవటంలో ఎక్కువ ఆనందం ఉందని నేర్పావు.
ఇంతటి ఆనందాన్ని, మధురానుభూతుల్ని, అందమైన జ్ఞాపకాల్ని అందించిన ఓ ప్రియసఖియా, జన్మజన్మలకి నువ్వే నా ప్రాణం కావాలని కోరుకుంటున్నాను.

ఇట్లు,

నువ్వు లేక బ్రతకలేని

నీ సర్వస్వం

అందమైన అనుభవాలు

2008-11-19T12:14:00.000-08:00

నీ తియ్యని మాట, ఆ చిలిపి చిరునవ్వు,
నీతో పంచుకున్న అందమైన సాయంత్రాలు,
సముద్రపు ఒడ్డున కలిసి వేసిన అడుగులు,
వర్షపు సాయంత్రాన ఒకే గొడుగు కింద కలిసి నడవటం,
విరబూసిన వెన్నెల్లో మనం కలిసి లెక్కపెట్టిన తళుకుతళుకు తారకలు,
మనకోసమే సువాసనలు వెదజల్లిన మల్లెతీగలు,
మంచుకురిసినప్పుడు వెచ్చగా నీ ఒడిలో ఒదిగిన జ్ఞాపకాలు,
మనిద్దరం కలిసి సృష్టించుకున్న అందమైన అనుభవాలు,
ఎన్నటికి మాసిపోనివి ఈ మధుర జ్ఞాపకాలు.
నా జీవితంలో ఇంత మంచి అనుభూతిని మిగిల్చిన ప్రియతమా నీకు నా కృతజ్ఞతలు.

ఇట్లు

నీ గుండెల్లో గూడు కట్టుకున్న నీ ప్రేయసి

సూర్యోదయం

2008-10-17T17:17:00.000-07:00

పక్షుల కిల కిల రావాలు,
కోయిల కుహు కుహు గానాలు
లేలేత గులాబీలపై మంచు బిందువులు
ఇంట్లోకి వచ్చే నులివెచ్చని సూర్యకిరణాలు
ముంగిళ్ళలో ముద్దుగుమ్మల ముచ్చటైన ముగ్గులు
అమ్మ చేతి కాఫీ ఘుమఘుమలు
పేపరు కోసం నాన్న ఎదురుచూపులు
సుర్యోదయంకల్లా బామ్మలు చేసే దైవ పూజలు
దూరంగా గుడిలో వినిపించే సుప్రభాతాలు,
స్కూలుకి వెళ్ళకుండా మారాం చేసే చిన్నారులు.....
ఇది కొన్నాళ్ళ క్రితం నేను అనుభవించిన అందమైన సూర్యోదయం

ఆమె

2008-10-16T08:42:00.000-07:00

ఆమె నవ్వితే అమృతవర్షం కురిసినట్టు ఉంటుంది
ఆమె నడిస్తే పాదాలు కందిపోతై అనే అంత సుకుమారంగా ఉంటుంది
ఆమె మాటతీరు తొలకరి వాన చినుకులా మనసుకి ఆహ్లాదంగా ఉంటుంది
ఆమెని చూస్తే దేవలోకాలలో విహరించవలసిన దేవకన్య దారి తప్పి నా ముందుకి వచ్చిందా అనిపిస్తుంది
ఆమె నిలబడితే, గల గల పారే సెలయేరు, ఆమెని చూడడానికే నిశ్చలంగా నిలబడి ఉందా అనిపిస్తుంది
ఆమె మనసు పాల నురగ అంత స్వచ్చంగా ఉంటుంది

మొత్తానికి, ఆమె బాహ్య సౌందర్యం, ఆత్మ సౌందర్యం, ఎంతో అందమైన ప్రకృతి కూడా ఈర్ష్య పడేంత అందంగా ఉంటుంది.
ఇంతకి, ఈ అందాల రాశి ఎవరో తెలుసా??? ఊహించగలరా???

నా ఊహలకు మాత్రమే పరిమితమై, నా కవిత్వంలోకి అడుగిడిన నా కథా నాయిక.

నా కుటుంబం

2008-10-14T08:50:00.000-07:00

ప్రతి బిడ్డకి తను పుట్టబోయే తల్లి తండ్రులని, కుటుంబాన్ని, పెరిగే వాతావరణాన్ని ఎంచుకొనే అవకాశం ఉండదు.
కొంత మంది చాలా ఉన్నతమైన విలువలు కల కుటుంబంలో పుడతారు, అలాగే పెరుగుతారు. అది వారి అదృష్టం.వారికి ఆస్తి, అంతస్తు తృణప్రాయం కాక పోయినా, అవే జీవితం మాత్రం కావు. ఇలాంటి కుటుంబాల నుంచి వచ్చిన వారు చాలా ఉన్నతమైన వ్యక్తులుగా సమాజంలో ఎదుగుతారు. ఇంకా కొంత మంది మానవత్వం కంటే డబ్బుతత్వంకి ఎక్కువ విలువ ఇచ్చే కుటుంబంలో పుడతారు. ఇలాంటి పిల్లలు తల్లి తండ్రి తమ పట్ల తక్కువ శ్రద్ధ చూపించటం, డబ్బు, పరువు, ప్రతిష్టల పట్ల ఎక్కువ ప్రేమ చూపించటం తట్టుకోలేరు, వారి చిన్ని మనసులు గాయపడతాయి. కాని క్రమేణా వాళ్లు కూడా తల్లి తండ్రుల లాగానే ఎదుగుతారు. వారు కూడా మానవత్వానికి విలువ చూపరు. తమకు పుట్టబోయే పిల్లలను కూడా అలాగే తయారు చేస్తారు.
ఇక మూడవ కోవకి చెందినా తల్లి తండ్రులు కష్టజీవులు. కష్టపడితేనే జీవితంలో పైకి రాగలం అని బలంగా నమ్మినవారు. పిల్లలకి ఏ లోటు రాకుండా పెంచాలనే ప్రయత్నంలో తమ సుఖాలని త్యాగం చేస్తారు. డబ్బులేకపోయిన, స్వంత తెలివితో, చదువు మీద శ్రద్ధ తో, దీక్ష సాదన తో సమాజంలో పేరు ప్రతిష్టలు సంపాదించవచ్చు అని పిల్లలకి నేర్పుతారు.
ఈ కోవకి చెందినా తల్లి తండ్రుల కడుపున పుట్టిన అదృష్టవంతులం నేను, నా తమ్ముడు. మాకు ఆస్తులు లేకపోయినా, మా ఇద్దరికీ ఏ లోటు లేకుండా పెంచారు మా అమ్మ, నాన్న. వాళ్లు ఎప్పుడు ఆడ, మగ అనే తేడా నాకు, నా తమ్ముడికి మధ్య చూపించలేదు. ప్రతిదాంట్లో మమ్మల్ని సమానంగా ప్రోత్సహించారు. నేను ఈ రోజు అమెరికా లో ఉద్యోగం చేయగల్గుతున్నాను అంటే అంత వాళ్ళు ఇచ్చిన ప్రోత్సాహమే. ఇక నా తమ్ముడు పెద్ద చదువులు పూర్తి చేసి ఉద్యోగాల వేటలో పడ్డాడు. వాడికి ఉద్యోగం రావటం ఆలస్యం అవుతున్న, చాల మంది తల్లి తండ్రుల లాగ వాడిని దెప్పి పొడవటం లేదు. "నీకు తెలివి, చదువు, ఉద్యోగాని కి కావాల్సిన లక్షణాలు అన్ని ఉన్నాయి. ఇవాళ కాకపోతే, రేపు అయిన ఉద్యోగం వస్తుంది" అని చెపుతున్నారు.
ఇక నా కుటుంబంలో, అమ్మ నాన్న తర్వాత నాకు చాల ముఖ్యమైన వ్యక్తి నా తమ్ముడు. వాడు నాకంటే చాల తెలివి కలవాడు, నా కంటే ఎక్కువ చదువుకున్నాడు. (నేను చేసే ఉద్యోగంలో ఏమైనా అవసరం వచ్చినా, వాడే నా సందేహాలు తీరుస్తాడు, సహాయం చేస్తాడు). వాడికి తెలివి, చెడువే కాదు, అందం కూడా ఉంది. వాడు ఇప్పుడు పరిపూర్ణంగా ఎదిగిన యువకుడు. అయినా ఇప్పటికి నన్ను సలహాలు అడుగుతాడు. జీవితం గురించి, ఉద్యోగం గురించి, వాడి జీవితంలో ప్రతి ముఖ్య విషయం గురించి నన్ని సలహాలు అడుగుతాడు. ఇప్పుడు బాగా ఎదిగిపోయాను అని కానీ, ఇంక కొన్ని రోజులలో మంచి ఉద్యోగం వస్తుంది" అని కానీ వాడికి కొంచం కూడా గర్వం లేదు. నేను మా అమ్మ నాన్నలకి దగ్గరగా లేకపోయినా, నేను లేని లోటు లేకుండా, నా బాధ్యతలు కూడా వాడే నిర్వర్తిస్తున్నాడు. ఇవన్ని చేసేది నా తమ్ముడా అని అనిపిస్తుంది నాకు ఒక్కో సారి.

మాకు ఆస్తులు లేకపోయినా , ఇంత మంచి కుటుంబం ముందు అది చాల చిన్న విషయంగా అనిపిస్తుంది నాకు. ఏది ఏమైనా, నాకు పుట్టే పిల్లల్ని కూడా ఇంత మంచి విలువలతో, నా తల్లి తండ్రులు నన్ను పెంచినట్టే, నేను కూడా నా పిల్లల్ని పెంచాలని నిర్ణయించుకున్నాను.

Sneham

2008-10-13T09:13:00.000-07:00

"స్నేహమేరా జీవితం, స్నేహమేరా శాశ్వతం" అనే పాట విన్నప్పుడల్లా అనిపిస్తుంది....
స్నేహమే జీవితం కాకపోవచ్చు కానీ, స్నేహం శాశ్వతమే.
ప్రతి మనిషీ తన తల్లి తండ్రులకి, ఇంట్లో వాళ్ళకి, కనీసం జీవిత భాగస్వామికి చెప్పుకోలేని విషయాలు కూడా దాపరికం లేకుండా చెప్పుకునే ఏకైక వ్యక్తి "స్నేహితుడు / స్నేహితురాలు".
ఆడ, మగ అనే తేడా లేకుండా, తారతమ్యాలు లేకుండా, అంతస్తుల తేడా లేకుండా నిష్కల్మషంగా చేసేదే "స్నేహం".
ప్రతి కష్టాన్ని, అన్ని సుఖాలని, చిన్న చిన్న రహస్యాలని కూడా పంచుకునే వాళ్ళే నిజమైన స్నేహితులు.
కష్టం వచ్చినప్పుడు కన్నీరు తుడిచి, ఆనందం వచ్చినప్పుడు నవ్వులు పంచుకొని, రహస్యం చెప్పినప్పుడు గుండెల్లో దాచుకుని, ప్రతి నిముషం నీ వెన్నంటే ఉంటాను అని హామీ ఇచ్చే స్నేహితులు మీకు ఉన్నారా? ఉంటే మీరు "అదృష్టవంతులు".
నేను కూడా ఆ అదృష్టవంతుల కోవకి చెందినదాన్నే. నా ప్రాణస్నేహితుడి పేరు "ఉపేందర్", ముద్దుగా "కోతి" అంటాము.

నా కలల రాజకుమారుడు

2008-09-20T13:56:00.000-07:00

ఎన్నో వేళ భావాలని కేవలం చూపుతోనే చెప్పే లోతైన కళ్లు ,
రాజసం ఉట్టి పడే టీవైన నడక ,
ఎన్ని కష్టాలొచ్చినా నిన్ను పట్టపురాణిలా చూసుకుంటాను అనే ధీమా ,
నా ప్రతి ముద్దు నీ కోసమే అని చిరునవ్వుని చిందిస్తున్న ఆ పెదవులు ,
నా జీవితంలో భాగం పంచుకో ప్రియతమ అని ఆహ్వానిస్తున్న అతని చేతులు ,
పడి లెగిసిన కడలి తరంగం లా ఉన్నా అతని ఛాతీ ,
నీ స్పర్శ కోసమే ఎంతో కాలం నుంచి ఎదురు చూస్తున్నాను అని చెపుతున్న అతని శరీరం ,
నీ కోసం ఎన్నో జన్మల నుంచి ఎదురు చూస్తున్నాను అని చెపుతున్న అతని మనసు .
ఇతడే నా కలల రాకుమారుడు , మరి నిజ జీవితంలో అవుతాడా నా వరుడు ???

అందం

2008-09-20T13:53:00.000-07:00

అందం అంతా నా దగ్గరే ఉంది ,నా కంటే అందగత్తెలు ఎవరు లేరు అనే గర్వం నాకు .

అద్దంలో చూసుకున్నప్పుడల్లా , నన్ను అందరు చూసి ఈర్ష్య పడే అంత అందం ఉన్నందుకు లోలోపల ఆనందం .

రవి వర్మ కుంచె నుంచి ఝాలువారిన ఎంకి లా ఉంటుంది నా అందం .

కాని , భాహ్య సౌందర్యమా ముఖ్యం ???ఎవ్వరికి పనికిరానిది నా అందం .

ఆత్మ సౌందర్యం కంటే గొప్పదా ఈ అందం ??? కాదేమో ???

మరి అందరు నా అందం వెనక పడతారెందుకు ?

నా అందాన్ని కాక నన్ను నన్నుగా ప్రేమించే వాడు దొరుకుతాడా ?నన్ను వరిస్తాడా?

భావుకత

2008-08-23T01:04:00.000-07:00

భావుకత్వం భావకవికే సొంతమా ?
ప్రేమకు స్పందించే ప్రతి ఆడపిల్ల మనసులో లేదా భావుకత ?
తెల్లవారుఝామున పక్షుల కుహు కుహు రాగాలు వినాలని ,
సాయం సంధ్యవేళ గోదూలిని ఆస్వాదించాలని ,
మంచు బిందువు నిల్చిన గులాబి రేకుల్ని తాకాలని ,
బోసి నవ్వుల చిన్నారిని ముద్దాడాలని ,
ప్రియుని వెచ్చని కుగిలిలో ఒదిగిపోవాలని ఆశ పడే ప్రతి కన్నెపిల్ల కళ్ళల్లో
తారాడుతుంది భావుకత .

మనసు

2008-06-28T08:40:00.000-07:00

ఊహల పల్లకిలో తేలియాడుతున్న వేళ , అతడిని చూసి గతి తప్పిన నా మనసు ,
అతని వెంటే పరిగెత్తిన్న నా కళ్లు ,
అతడిని పిలవాలని ప్రయత్నించినా , పేరు తెలియక చిగురుటాకులా వణికిన నా పెదవులు ,
అతనీ తిరిగి నా వైపుగా వస్తాడేమో అనే చిన్ని ఆశ తో అన్ని శబ్దాలను ఆలకించిన నా చెవులు ,
అతను చూడనిదే , ఎందుకు అందంగా ఉండాలనే కోపం తో వెలవెల పోయిన నా మోము ,
అతని కోసం కాకపోతే నన్ను సవరించలేవా అని ప్రశ్నించిన నా చిక్కుపడిన ముంగురులు ,
వెరసి , నేను ప్రేమలో పడ్డానని గేలి చేసిన నా చెలికత్తెలు ,
ఇవన్ని గడచి నాలుగేళ్ళు గడిచినా , ఇంకా కొత్తగానే ఉన్నా ఆ గుర్తులు.

నేడు , అతను నా వాడు , నేనే సర్వస్వంగా బ్రతుకుతున్నాడు .
అందుకే నా మనసు పలికేది మౌనరాగం కాదు , ఉల్లాస గీతం ,
నా ప్రేమ ఫలించిందనే ఆనంద గానం.

అందం

2008-06-28T08:39:00.001-07:00

బాపు గీసిన బొమ్మలా ,
రవి వర్మ కుంచె నుంచి ఝాలువారిన ఎంకిలా ,
అమర శిల్పి చెక్కిన అందమైన శిల్పంలా ,
వెన్నెల కురిసిన రాత్రి విరిసిన మల్లెలా ,
ఉదయించే సూర్యునికి తోడుగా వికసించే పూవులా ,
ఎంతో కమ్మగా పాడే కోయిల పాటలా ఉంది ఆ అమ్మాయి అందం.
అందానికి మారు పేరులా ఉన్నా ఈ భామ ఆ బ్రహ్మ దేవుడు సృష్టించిన అపురూపమైన బొమ్మ.

వర్షం

2008-06-28T08:37:00.000-07:00

ఆకాశంలో మేఘాలు చూసినప్పుడల్లా మనసులో ఏదో తెలియని ఆనందం
ఆ మేఘాలు చినుకులై కురుస్తున్న వేళ బాధలన్ని మరచి మయురిలా నాట్యం చేయాలనే ఆలోచన
మధ్య మధ్యలో కొరడా లా అనిపించే మెరుపులు మెరిసినప్పుడు గుండెల్లో అలజడి
ఈ వర్షం నా జీవితాంతం ఇలాగే కురిస్తే బాగుండు అనే పిచ్చి కోరిక
తెర చాటున కనిపించీ , కనిపించని ప్రేయసి మొములా అనిపిస్తుంది ఈ వస్తు ఆగిపోయే వాన
ఇంత ఆహ్లాదంగా నా మనసుని మార్చి అలా మాయమైన వర్షం మళ్ళీ ఎప్పుడొస్తుందో అనీ ఎదురుచూపులు
మళ్ళీ వర్షం కురిసేటప్పటికి నేను వాడిపోతానేమో అనే భయం ,
అన్ని కలగలసి ఆనందంగా నిద్రపోయాను
ఇంతకి నా పేరు చెప్పలేదు కదు ? నా పేరు “మల్లె పూవు ”.

ప్రతీక్ష

2008-06-28T08:35:00.002-07:00

ప్రతి తల్లి నన్ను చూసి ఈర్ష్య పడేంత అందం నా చిట్టి తల్లిది ,
బోసి నవ్వులోలికిస్తూ తన చుట్టూ ఆనందాన్ని వెదజల్లుతున్న ఆ మోము ,
తన అమాయకత్వంతో అందర్ని మురిపిస్తున్న పాల బుగ్గల చిన్నారి ,
మా నట్టింట అడుగిడబోయే మా అష్టలక్ష్మి ,
మా ఇంటి లోగిట్లో చీకట్లని తొలగించి , సంతోషపు దివ్వెలని వెలిగించే మా సౌందర్య రాసి ,
మా మనసుల్ని రాజ్యమేలే మా పట్టపు రాణి మా జీవితాల్లోకి ఎప్పుడొస్తుందో అనే ప్రతీక్ష .

అమ్మ - నాన్న

2008-06-28T08:35:00.001-07:00

అనురాగానికి , ఆప్యాయతకు మారు పేరు అమ్మ ,నాన్న
ఆ దేవుడు నాకిచ్చిన అపురూపమైన కానుక వీళ్ళ కడుపున పుట్టటం ,
ఎన్ని కష్టలోచ్చినా ఎదుర్కొని ధైర్యంగా పోరాడాలని నేర్పి ,
నేను భయపడిన ప్రతి సారి , నీ వెనుక మేమున్నామని వెన్నుదన్నుగా నిలబడి
నేను ఇవాళ ఈ స్థాయికి చేరుకోవడానికి కారణం వీళ్ళే , ఎం చేసినా తీర్చుకోలేనిది ఈ ఋణం .

Lyrics of my fav song - "Nuvvu Nuvvu" from Khadgam

2008-03-02T16:46:00.000-08:00

nuvvu nuvvu nuvvE nuvvunuvvu nuvvu nuvvunuvvu nuvvu nuvvE nuvvunuvvu nuvvu nuvvunaalOnE nuvvunaatOnE nuvvunaa chuTTu nuvvunEnantaa nuvvunaa pedavipainaa nuvvunaa meDa vompuna nuvvunaa gunDe meeda nuvvu voLLantaa nuvvubuggallO nuvvu moggallE nuvvumuddEsE nuvvuuniddaralO nuvvu poddullO nuvvuprati nimusham nuvvuu naa vayasunu vEdhinchE vecchadanam nuvvunaa manasuni laalinchE challadanam nuvvupaiTE baruvanipinchE pacchidanam nuvvubaiTa paDaalanipinchE picchidanam nuvvunaa prati yuddham nuvvunaa sainyam nuvvunaa pRiya SatRuvu nuvvu nuvvumettani mulle gille toli chinuke nuvvunacchE kashTam nuvvu nuvvu
naa sigguni dachukone kougilive nuvvunaa vanni dOchukunE korikave nuvvumunipanTitO nanu gicchE nEraanivi nuvvunaa naDumunu naDipinchE nEsthaanivi nuvvuteerani daham nuvvu naa moham nuvvu tappani sneham nuvvu nuvvuteeyani gaayam chEsE anyaayam nuvvuayinaa ishTam nuvvu nuvvu maimaripistuu nuvvumuripistunTE nuvvunE kOrukunE naa marO janma nuvvukaipekkistuu nuvvu kavvistunTE nuvvunaakE teliyani naa kotta pEru nuvvunaa andam nuvvu aanandam nuvvunEnanTE nuvvunaa pantam nuvvunaa sontam nuvvunaa antam nuvvu

నిరీక్షణ

2008-02-27T11:16:00.000-08:00

నా జీవితాన్ని మలుపు తిప్పే సంఘటన కోసం నిరీక్షణ
అసంభవం కాకా పోయినా ఈ సమయాన నేను ఏమి చేయలేనే అనే

ఆవేదన

భగవంతుడా , నన్ను ఎందుకు ఇలా పరీక్షిస్తున్నావ్ నాయన అనే ప్రశ్న
ఏదైనా అదృశ్య శక్తీ వచ్చి నాకు ఈ సహాయం చేయాలి అనే ప్రార్ధన ,
ఎప్పటికైనా ఈ అదృష్టం నా తలుపు తట్టక పోతుందా అనే ఆలోచన

హా , నా పిచ్చి కాకా పోతే ఏది ఎలా జరగాలో అలాగే జరుగుతుంది , ఏ సమయాన జరగాలంటే అప్పుడే జరుగుతోంది కాని , నా ఆలోచనల వల్ల ఏమవుతుంది ?????

నీ కోసం

2008-01-13T23:44:00.000-08:00

నిన్నే ప్రేమించాను , నీ కోసమే జీవించాను ,

నా తనువు , ప్రాణం నువ్వేనని భావించాను ,

కాని నువ్వు నన్ను నా కన్నా ఎక్కువగా ఇష్టపడుతున్నావని

ఒప్పుకోవెం ప్రియతమా ,

నేనిలా దుఖిస్తుంటే చూస్తూ వూరుకుంటావు ఏం ప్రాణమా ,

నీ శ్వాసలో నేను ఉన్నానని , నీ ఊపిరే నేను అని

చెప్పవేం ప్రియతమా ,

నిన్ను చూడాలని , మనసారా కౌగిలించుకోవాలి అనే

నా కోరిక తీరేనా ప్రాణమా ?

నీ కోసమే జీవించే ,

నీ ప్రేమ

ప్రేమ పక్షులు

2008-01-13T23:35:00.000-08:00

నీ ప్రేమే నా జీవితం ,
నీ ప్రేమ సాధనే నా లక్ష్యం ,
ఎంతో నేర్పిన నీ స్వభావం ,
చిరునవ్వునిచ్చిన నీ చిలిపితనం ,
నీ కోసమే నే జీవించాలని చెప్పిన నీ స్నేహం ,
ఏదైనా సాధించగలను అని చెప్పిన నీ ఆత్మస్త్థెర్యం ,
"నువ్వు నాకే సొంతం " అని చెప్పకనే చెప్పిన నీ మౌనం ,
నువ్వు లేనిదే లేదు నాకు జీవితం ,
ఇకనైనా నమ్ము ప్రియ , నీ ప్రేమ సాధనే నా లక్ష్యం .

పెళ్లి

2008-01-10T21:51:00.000-08:00

పెళ్లి అనే మూడు ముళ్ళ బంధం
రెండు మనసులని కలిపే అనుబంధం
రెండు తనువులను కలిపే సంబంధం
ఎన్నో కలల తో మెట్టినింట్లో అడుగిడే ఆడపిల్ల కి ,
నువ్వు ఇక నుంచి మా లో ఒకరివి అని అత్త గారు చూపే అనురాగం
కన్న కూతురిలా చుస్కుంటాను కోడలా అని మామ గారు చూపే పెద్దరికం ,
ఇక జీవితాంతం నీకు తోడై ఉంటాను అని శ్రీవారు చేసే ప్రమాణం ,
అన్ని కలిసి పెళ్లి అనే బంధం తో స్త్రీకి దొరికే ఒక సంపుర్ణత్వం ,
ఇన్ని బంధాల మేలు కలయికే , పెళ్లి అనే అపురూపమైన ప్రమాణం .