ప్రతీక్ష

ప్రతి తల్లి నన్ను చూసి ఈర్ష్య పడేంత అందం నా చిట్టి తల్లిది ,
బోసి నవ్వులోలికిస్తూ తన చుట్టూ ఆనందాన్ని వెదజల్లుతున్న ఆ మోము ,
తన అమాయకత్వంతో అందర్ని మురిపిస్తున్న పాల బుగ్గల చిన్నారి ,
మా నట్టింట అడుగిడబోయే మా అష్టలక్ష్మి ,
మా ఇంటి లోగిట్లో చీకట్లని తొలగించి , సంతోషపు దివ్వెలని వెలిగించే మా సౌందర్య రాసి ,
మా మనసుల్ని రాజ్యమేలే మా పట్టపు రాణి మా జీవితాల్లోకి ఎప్పుడొస్తుందో అనే ప్రతీక్ష .