మనసు

ఊహల పల్లకిలో తేలియాడుతున్న వేళ , అతడిని చూసి గతి తప్పిన నా మనసు ,
అతని వెంటే పరిగెత్తిన్న నా కళ్లు ,
అతడిని పిలవాలని ప్రయత్నించినా , పేరు తెలియక చిగురుటాకులా వణికిన నా పెదవులు ,
అతనీ తిరిగి నా వైపుగా వస్తాడేమో అనే చిన్ని ఆశ తో అన్ని శబ్దాలను ఆలకించిన నా చెవులు ,
అతను చూడనిదే , ఎందుకు అందంగా ఉండాలనే కోపం తో వెలవెల పోయిన నా మోము ,
అతని కోసం కాకపోతే నన్ను సవరించలేవా అని ప్రశ్నించిన నా చిక్కుపడిన ముంగురులు ,
వెరసి , నేను ప్రేమలో పడ్డానని గేలి చేసిన నా చెలికత్తెలు ,
ఇవన్ని గడచి నాలుగేళ్ళు గడిచినా , ఇంకా కొత్తగానే ఉన్నా ఆ గుర్తులు.

నేడు , అతను నా వాడు , నేనే సర్వస్వంగా బ్రతుకుతున్నాడు .
అందుకే నా మనసు పలికేది మౌనరాగం కాదు , ఉల్లాస గీతం ,
నా ప్రేమ ఫలించిందనే ఆనంద గానం.